नमस्कार लाडक्या बहिणींनो, मुख्यमंत्री माझी लाडकी बहीण योजनेबाबत एक धक्कादायक आणि महत्त्वाची बातमी समोर आली आहे. राज्य सरकारच्या पडताळणी प्रक्रियेनंतर तब्बल 80 लाख महिलांची नावे लाभार्थी यादीतून वगळण्यात आल्याची माहिती समोर आली आहे.
सरकारकडून करण्यात आलेल्या ई-केवायसी, आधार पडताळणी आणि अर्ज तपासणीमध्ये अनेक अर्जांमध्ये त्रुटी आढळल्या. काही महिलांनी ई-केवायसी पूर्ण केले नव्हते, काही ठिकाणी दुहेरी नोंदणी आढळली, तर काही महिला योजनेच्या पात्रतेच्या निकषांमध्ये बसत नसल्याचे स्पष्ट झाले. त्यामुळे या महिलांना अपात्र करण्यात आल्याची माहिती मिळत आहे.
मात्र सरकारने स्पष्ट केले आहे की, ज्या महिला पात्र आहेत आणि ज्यांची सर्व कागदपत्रे योग्य आहेत, त्यांना योजनेचा लाभ नियमितपणे मिळत राहणार आहे. तसेच तांत्रिक कारणांमुळे नाव वगळले गेले असल्यास संबंधित महिलांना पुन्हा पडताळणीची संधी मिळू शकते.
त्यामुळे लाडक्या बहिणींनो, तुमचे ई-केवायसी पूर्ण झाले आहे का, आधार कार्ड बँक खात्याशी लिंक आहे का आणि अर्जातील सर्व माहिती योग्य आहे का, हे एकदा नक्की तपासून घ्या.
या बातमीबाबत तुमचे मत काय आहे? आम्हाला कमेंट करून नक्की सांगा.
