लाडकी बहीण योजनेचा नोव्हेंबर हप्ता आजपासून मिळण्याची शक्यता – KYC बरोबर असेल तर पैसे नक्की जमा होणार

Batmti Care 27

राज्य शासनाच्या लाडकी बहीण योजनेअंतर्गत अनेक महिलांच्या खात्यात नोव्हेंबर महिन्याचा हप्ता अद्याप जमा झाला नाही. त्यामुळे लाभार्थी महिलांमध्ये संभ्रम आणि चिंता निर्माण झाली होती. मात्र आता याबाबत दिलासादायक माहिती समोर येत असून, आजपासून नोव्हेंबर महिन्याच्या प्रलंबित हप्त्याचे वितरण सुरू होण्याची शक्यता वर्तवली जात आहे.
महत्त्वाची बाब म्हणजे ज्या महिलांची केवायसी (KYC) प्रक्रिया पूर्ण आहे, बँक खाते आधारशी लिंक आहे आणि योजना अंतर्गत सर्व अटी व निकष पूर्ण होत आहेत, अशा लाभार्थींना हा हप्ता नक्कीच मिळणार आहे. काही तांत्रिक कारणांमुळे किंवा कागदपत्रांमधील त्रुटींमुळे अनेक खात्यांमध्ये पैसे जमा होण्यास विलंब झाला होता.
शासनाकडून मिळालेल्या माहितीनुसार, पहिल्यांदा केवायसी करताना “होय-होय” पर्याय निवडणे आवश्यक होते. तसेच नंतर आलेल्या केवायसी अपडेटमध्ये चुकीचा पर्याय निवडल्यास हप्ता थांबू शकतो. त्यामुळे ज्यांना नोव्हेंबरचा हप्ता मिळाला नाही, त्यांनी एकदा आपली केवायसी स्थिती, बँक खाते आणि आधार लिंक तपासणे गरजेचे आहे.
तसेच, पात्र महिलांची यादी पुन्हा एकदा पडताळणी केली जात असून, योग्य लाभार्थी महिलांच्या खात्यात थेट रक्कम जमा केली जाणार आहे. अनेक जिल्ह्यांमध्ये टप्प्याटप्प्याने वितरण सुरू होण्याची शक्यता आहे.
महिलांनी कोणत्याही अफवांवर विश्वास न ठेवता अधिकृत माहितीवरच अवलंबून राहावे. जर सर्व कागदपत्रे बरोबर असतील आणि अटी पूर्ण होत असतील, तर नोव्हेंबर महिन्याचा हप्ता मिळेल, असे स्पष्ट संकेत मिळत आहेत.
लाडकी बहीण योजनेचा उद्देश महिलांना आर्थिक आधार देणे हा असून, शासन या योजनेबाबत गंभीर असून कोणत्याही पात्र महिलेला लाभापासून वंचित ठेवले जाणार नाही, असा विश्वास प्रशासनाकडून व्यक्त करण्यात येत आहे.