लाडकी बहीण योजना: नोव्हेंबर महिन्याचा हप्ता का जमा झाला नाही? जाणून घ्या कारणे आणि उपाय

बातमी केअर 27

लाडकी बहीण योजनेअंतर्गत अनेक महिलांच्या खात्यात नोव्हेंबर महिन्याचा हप्ता जमा न झाल्याच्या तक्रारी समोर येत आहेत. यामागे सर्वात महत्त्वाचे कारण म्हणजे केवायसी (KYC) प्रक्रियेत झालेली चूक. शासनाने योजनेसाठी दोन टप्प्यांत केवायसी प्रक्रिया लागू केली होती. यामध्ये पहिल्या टप्प्यात, म्हणजे फर्स्ट टाइम केवायसी करताना लाभार्थ्यांनी “होय – होय” हा पर्याय निवडणे आवश्यक होते. त्यानंतर डिसेंबर महिन्यात आलेल्या केवायसी अपडेटमध्ये “नाही – नाही” हा पर्याय निवडणे अपेक्षित होते.
जर लाभार्थी महिलेकडून या दोन टप्प्यांपैकी कुठेही चुकीचा पर्याय निवडला गेला असेल, तर त्याचा थेट परिणाम हप्त्यांच्या जमा प्रक्रियेवर होतो. अशा परिस्थितीत नोव्हेंबरचा हप्ता अडू शकतो आणि पुढील काळातही लाडकी बहीण योजनेचा हप्ता जमा होण्याची शक्यता खूपच कमी राहते.
यामुळे ज्या महिलांना अद्याप पैसे मिळालेले नाहीत, त्यांनी सर्वप्रथम आपला केवायसी स्टेटस तपासणे अत्यंत आवश्यक आहे. हा स्टेटस तपासण्यासाठी लाभार्थी महिलांनी आपल्या जवळच्या महिला व बाल विकास कार्यालयाशी संपर्क साधावा. तेथे संबंधित अधिकारी तुमची केवायसी योग्य आहे की नाही, याची खात्री करून देतील तसेच आवश्यक असल्यास दुरुस्तीची प्रक्रिया सांगतील.
महत्वाचे म्हणजे, योजनेसाठी पात्र असलेल्या आणि सर्व अटी पूर्ण करणाऱ्या महिलांनी वेळीच केवायसी दुरुस्ती करून घेतल्यास पुढील हप्ते मिळण्याची शक्यता वाढते. त्यामुळे अफवांवर विश्वास न ठेवता अधिकृत कार्यालयातूनच माहिती घ्यावी आणि आवश्यक कागदपत्रांसह त्वरित कार्यवाही करावी, असे आवाहन करण्यात येत आहे.
ही माहिती वेळेत तपासल्यास अनेक महिलांना येणाऱ्या काळात आर्थिक मदतीचा लाभ मिळू शकतो.

अधिक माहितीसाठी महिला बाल विकास कार्यालयात संपर्क करा