🔴 लाडकी बहीण योजनेचा नोव्हेंबर व डिसेंबर हप्ता नसेल मिळाला? तर हे काम केल्यास पैसे जमा होतील

Batmi care 27

लाडकी बहीण योजनेअंतर्गत अनेक महिलांच्या खात्यात नोव्हेंबर व डिसेंबर महिन्याचा हप्ता जमा झाला आहे. मात्र, काही लाभार्थी महिलांना अद्यापही पैसे मिळालेले नाहीत. अशा महिलांनी गैरसमज करून न घेता तात्काळ खालील प्रक्रिया पूर्ण करावी, असे आवाहन प्रशासनाकडून करण्यात आले आहे.
ज्या महिलांच्या खात्यात अद्याप पैसे आलेले नाहीत, त्यांनी आपले आधार कार्ड घेऊन जवळच्या महिला व बालविकास कार्यालयात प्रत्यक्ष भेट द्यावी. कार्यालयात उपस्थित असलेली संबंधित टीम तुमचा अर्ज आणि पेमेंट स्टेटस तपासून देईल. तिथेच तुम्हाला तुमचा हप्ता का थांबला आहे, याची सविस्तर माहिती दिली जाईल.
तपासणीदरम्यान जर तुमचा स्टेटस “Rejected” (रिजेक्ट) असल्याचे आढळले, तर त्या लाभार्थींना सध्या पैसे मिळणार नाहीत. अशा प्रकरणात अर्जामधील त्रुटी, कागदपत्रांची कमतरता किंवा चुकीची माहिती हे कारण असू शकते.
मात्र, ज्या महिलांचा स्टेटस “Complete” किंवा “Approved” आहे, पण तरीही हप्ता जमा झालेला नाही, अशा लाभार्थींना काळजी करण्याची गरज नाही. अधिकृत माहितीनुसार, अशा महिलांचे नोव्हेंबर आणि डिसेंबर महिन्याचे पैसे जानेवारी महिन्याच्या हप्त्यासोबत एकत्र जमा होण्याची शक्यता आहे.
त्यामुळे अफवांवर विश्वास न ठेवता थेट महिला व बालविकास कार्यालयात जाऊन चौकशी करणे हाच खात्रीशीर मार्ग आहे. योग्य माहिती आणि स्टेटस क्लीअर झाल्यानंतरच पुढील पेमेंट प्रक्रिया पूर्ण केली जाईल, असे प्रशासनाने स्पष्ट केले आहे.

लाडकी बहीण योजनेचा हप्ता नाही आला? आधार घेऊन महिला बालविकास कार्यालयात जा | अधिकृत अपडेट